رد: كرسى الاعتراف

من طرف **AhMeD ElBakri** 5/5/2010, 7:08 am

هههههههههههههههههه

الله يسلمك يا سندريلا

بصي يا ست الكل اناا عاارف انك بتعملي الواجب مع كل الاعضاء وبزيادة كمان

انا عاوز أسئلة سهلة أبوس ايد اللى جنبك

من طرف AHMED ELGOHARY 5/5/2010, 8:31 am

حبيب قلبى منور الكرسى اهلا اهلا
حبيت اصبح عليك بس راجعلك تانى ياكبير

من طرف elkoont 5/5/2010, 10:42 am

هههههههه

حبى هو اللى ع الكرسى

منور والله وانا بقول برده الشاشه مالها عماله ترقص من الصبح

استقبل حبى بعد قليل

من طرف **AhMeD ElBakri** 5/5/2010, 10:48 am

المشاركة الأساسية كتبت بواسطة : بنت بلد

منوووووووووووور يا أحمد والله
انا جيت أسلم وجايبه شويه أسئله معاياااا مينفعش اجي بأيدي فاضيه هههههههههههههه

دا نورك يا بنت بلد .. ميرسي كتير

-مــــن انـــــــت ؟

بيقولولي يا أحمد .... انسان عادي جدا ...

2- ماهو هدفك ؟

انى اخلص دراسة والاقي وظيفة محترمة وأحفظ القرآن

وااتقوز

3-ماهي أمنيتك ؟

انى ربنا يعفو عني ويحقق لي كل أمنياتي وأهدافي

4-ماهي رؤيتك للحياة ؟

الحياة صعبة طبعا .. محتاجة كفاح وصبر ونضال

ونتعب عشان نلاقي

5-ماهي رسالتك في هذه الحياة ولمن توجهها ؟

نفسي أعيش ف الدنيا كأني غريب أو عابر سبيل ( بجد هموت وأعمل كدة )

وبوجهها طبعا لكل الناس خاصة للى يفهمها صح

6-ماهي التجربه التي تتمنى تكرارها ؟

الالتزام

7-ماهو أفضل مكان تتردد إليه ؟

المسجد

8-مـــــن يطـــــربك ؟

يعني ايه يطربني ؟ يفرحني !!

أصدقائي

9-من هو توأم روحك ؟

محمد حمودة

10- ماهو اكثر شئ تخشاه ؟

أن أفقد الثقة فيمن أحب ومن أهتم لأمره

11- مالذي يشعرك بأكثر قدر من الحرج ؟

لما حد يسألني انت خلصت دراسة ولا لسه

12-شخص تحتاج لقربه الآن منك ؟؟

مي لف

13-متى تغضب ؟

لما اتعامل مع اى حد غبي او مش فاهمني

او حد يجي عليا من غير سبب

لما اشوف تصرف مش عاجبني

( فيه كتييييييير )

14-باقة ورد لمن تهديها ؟

لكل الأعضاء

15- باقة شوك لمن تهديها ؟

لدكتور شلبي الجعيدي
( عندي بالكلية )

16- شخص لاترفض له طلبا ؟

حمودة ومعظم المقربين ليا

17-ماهي أعظم صفة تفضلها ؟

حب الخير للغير أكتر من نفسي

18-وماهي اكره صفة تنبذها ؟

الكدب

19-أعظم شيء فقدته ؟

هوا مش شىء هوا شخص عزيز عليا جدااااااااا

أبي

ربنا يرحمه ويسكنه الفردوس الأعلي

20-وأعظم جرح دفنته ؟

أيام تجارة ...

21- اسوأ خبر سمعته ؟

نتيجة تانية ثانوي

22-ماذا يمثل لك الموت ؟

عبرة

23-دعوه صادقه من اعماق قلبك لمن تهديها ؟

يارب اغفر لنا ارحمنا واهدنا وعافنا واجعلنا سببا لمن اهتدي

لكل المسلمين ف كل مكان

24-اوصف نفسك كما تراها ؟!

عصبي .............

25-و اخيراً صف نفسك بكلمات بسيطة كما يراك الناس ؟؟؟؟

والله ما بحب اتكلم عن نفسي عشان الغرور

بس انا طيب مع أصحابي وجدع وبحب الهزار ............ وف نفس الوقت عصبي جدااااااااااااا

وساعات بزعلهم مني بسبب العصبية

رجعالك تااااااااااااااني

تنووووووووري يا بنت بلد

من طرف **AhMeD ElBakri** 5/5/2010, 10:55 am

AHMED ELGOHARY كتب:حبيب قلبى منور الكرسى اهلا اهلا
حبيت اصبح عليك بس راجعلك تانى ياكبير

elkoont كتب:هههههههه

حبى هو اللى ع الكرسى

منور والله وانا بقول برده الشاشه مالها عماله ترقص من الصبح

استقبل حبى بعد قليل

منور يا جوهري انت والكونت

منتظركم بفارغ الصبر

وتذكروا جيدا ان السؤال المحرج لا داعي منه لاني هعمل نفسي مش واخد بالي

من طرف Cindrella 5/5/2010, 1:47 pm

ازيك ياحمد انا جيت امسى عليك وطبعا ماينفعش اجى ايديا فاضيه

جيبتلك معايا شوية اسئلة صغنوووووووووووونة خاااااااااااالص

وعاوزة الاجابة عليهم بصراحة

1: خرج لنا بطاقتك الشخصية ؟

2: هل انت راضى عن نفسك ؟

3:اوصف حياتك فى كلمات بسيطة ؟

4: بتعمل ايه لما بتكون مضايق ؟

5: امنية اتمنيت تحققها ومش حققتها ؟ وامنيه حققتها ؟

6:هل اتعرضت للغدر والخيانة قبل كده ؟ ومن مين ؟ وايه كان شعورك ؟

7: من اقرب شخص ليك ؟ مش شرط يكون فالمنتدى

8:من هو الشخص اللى بترتاح عندما تراه ؟

9: لما بتكون مضايق بتعمل ايه ؟

10: بتحكم على الشخص اللى قدامه من خلال ايه ؟

11:شخص تقوله وحشتنى جدا ؟

12:باقه ورد لمن تهديها ؟

13:هل بكيت قبل كده ؟ ولو بكيت احكيلنا الموقف ؟

14: ممكن دموعك تنزل قدام حد ؟

15:لمن تهب ابتسامتك دائما ؟

16:شايف مستقبلك ازاى ؟

17:حكمتك فالحياة ؟

18:موقف اثر فيك وعمرك ماهتنساه ؟

19:رايك فالحب ؟ وهل بتعيش قصة حب ؟

20:اكتر حاجة ندمت عليها ؟

21: عيب يك تتمنى تغيره ؟

22: اكتر شئ بتخاف منه ؟

23: ماالرق بين الحب والصداقه من وجهة نظرك ؟

24:قدوتك فالحياة ؟

25: ايه رايك فالمنتدى والاعضاء اللى فيه حاليا ؟

26: رايك الشخصى فيا من خلال؟

27: كلمة توجهها لاعضاء المنتدى؟

ياااااااااااارب اكون ضيفة خية على قلبك

من طرف **AhMeD ElBakri** 5/5/2010, 4:59 pm

Cindrella كتب:

ازيك ياحمد انا جيت امسى عليك وطبعا ماينفعش اجى ايديا فاضيه

جيبتلك معايا شوية اسئلة صغنوووووووووووونة خاااااااااااالص

انا كويس الحمد لله يا سندريلا

وعاوزة الاجابة عليهم بصراحة

اوك

1: خرج لنا بطاقتك الشخصية ؟

أصورها يعني ؟ ولا اعمل ايه ؟

ايه السؤال دة ؟

انا احمد السيد محمد عبد الغني البقري

من دنجواي - شربين - محافظة الدقهلية

أعزب - مسلم - مصري

2: هل انت راضى عن نفسك ؟

إلي حد ما ...

3:اوصف حياتك فى كلمات بسيطة ؟

حياتي ماشية ف سير مش راضي عنه وبحاول التغير

4: بتعمل ايه لما بتكون مضايق ؟

بحاول اهدي من نفسي الأول

وبعد كدة بنهار ههههههههههه

5: امنية اتمنيت تحققها ومش حققتها ؟ وامنيه حققتها ؟

انى ادخل كلية حربية .....

امنية حققتها :: رضي أمي عني ( إلي حد ما )

6:هل اتعرضت للغدر والخيانة قبل كده ؟ ومن مين ؟ وايه كان شعورك ؟

لالالالا

7: من اقرب شخص ليك ؟ مش شرط يكون فالمنتدى

حمودة

8:من هو الشخص اللى بترتاح عندما تراه ؟

مي لف

9: لما بتكون مضايق بتعمل ايه ؟

متكرر دة رقم 4 فوق

10: بتحكم على الشخص اللى قدامه من خلال ايه ؟

طريقة كلامه واسلوبه ومدي ذكاؤه

11:شخص تقوله وحشتنى جدا ؟

سموءة بنت اختي

12:باقه ورد لمن تهديها ؟

لكل الأعضاء

13:هل بكيت قبل كده ؟ ولو بكيت احكيلنا الموقف ؟

أكيد ...

الموقف ولا المواقف ؟؟!!!

بس غالبا مينفعش احكي

14: ممكن دموعك تنزل قدام حد ؟

لا طبعا .. إلا إذا هيا خانتني ونزلت لوحدها

15:لمن تهب ابتسامتك دائما ؟

لكل من يحبني

16:شايف مستقبلك ازاى ؟

ههههههههههههههههههههههه

حد فيكوا يكلمها بقي

ربنا يخليك ليا ياريس

يا مهنينا يا مشخعلنا يا مدلعنا

17:حكمتك فالحياة ؟

فيه حكم كتير باخد بيها

منها ::

-" التوفيق خير قائد، وحسن الخلق خير قرين، والعقل خير صاحب، والأدب خير ميراث".
الإمام علي ابن أبي طالب.

-" ليت لنا حياتين: نرتكب في الأولى الأخطاء التي يبدو وكأنه لا مفر من ارتكابها، وفي الثانية نستفيد من هذه الأخطاء". ديفيد هربرت لورانس روائي وشاعر ومسرحي إنجليزي.

18:موقف اثر فيك وعمرك ماهتنساه ؟

وفاة أبي

ربنا يرحمه ويرزقه رفقه نبيه ويجمعني به انا وانتم وكل أحبتي ف الفردوس الأعلي . أمين

19:رايك فالحب ؟ وهل بتعيش قصة حب ؟

ع رأي بنت بلد الحب جميل ههههههههههههههه

اة بعيش قصة

20:اكتر حاجة ندمت عليها ؟

انى استهترت بأيام الثانوي مع ان كل اللى يعرفوني كويس وأستاذتي كانوا بيشهدوا ليا

بإني كنت من الطلاب المتفوقين ,,,

بس ف الأول والأخر هقول نصيب

الحمد لله ع كل حال

21: عيب يك تتمنى تغيره ؟

العصبية

22: اكتر شئ بتخاف منه ؟

مكرر ف اسئلة بنت بلد

23: ماالفرق بين الحب والصداقه من وجهة نظرك ؟

الفرق ان الصداقة ليها حدود

والحدود دي بتنتهي او مش بتكون موجودة مع الحب او الجواز ( لان الحب الحقيقي أخره جواز مش كلام )

24:قدوتك فالحياة ؟

أخويا الكبير دكتور محمد

25: ايه رايك فالمنتدى والاعضاء اللى فيه حاليا ؟

المنتدي ف نظري عاوز شغل كبير عشان يكبر بينا كلنا

وكذلك الأعضاء بالذات القدام والجداد يتفاعلوا اكتر

26: رايك الشخصى فيا من خلال المنتدي ؟

قولتهالك قبل كدة ... مشاااااااااااااغبة

بس حاسس انك طيبة

27: كلمة توجهها لاعضاء المنتدى؟

تذكروا ::

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏

ياااااااااااارب اكون ضيفة خفيفة على قلبك

بالفعل انتي كذلك

من طرف **AhMeD ElBakri** 5/6/2010, 12:22 pm

وين الأسئلة ؟؟؟؟

من طرف ahmed_elhadidy 5/7/2010, 6:52 am

مساء العسل الابيض يا احمد
انا وللاسف دخلت اللعبه متأخر أوووي لأني كنت مشغول أوي اليومين اللي فاتو دول في الكليه وامتحانت اعمال سنه ربنا يعديها علي خير انا وانتم جميعا ان شاء الله
المهــــــــــــــــم تعالالي تعالالي
سؤال محيرني ونفسي أعرفه من زمان هما كتيير بس ناخد واحد واحد لو لحقت يعني أنا عارف ان اخر يوم ليك انهارده بس ما علينا

1/ لو فيه مره بنت اتصلت بيك وقالتلك أنا معجبه بيك يا احمد اووووي يا سارق قلوب العزاري يا مشتت نفوس الاحبه و نفسي أشوفك ولو ثانيه من بعيد لبعيد و المهم إنك مقدترتش تستحمل وتأثرت بصوتها اوووي وروحت تقابلها ؟؟؟ عايز أعرف هتجهز نفسك إزاي للمقابله دي وهتاخدلها هديه معاك إيه

من طرف **AhMeD ElBakri** 5/7/2010, 9:09 am

مساء الفل يا كميل

هو غالبا لو واحدة اتصلت بيا وقالتلي انا معجبة بيك هقولها انا متربط وهقفل

وربناااااااا لمأعدك ع الكرسي ورايا

دة سؤال !!

من طرف ahmed_elhadidy 5/7/2010, 10:55 am

السؤال التاني ؟؟
لو فكرت تكلم بنت حلوه أووووي .. وأخدت خطوه جريئه وروحت كلمتها .. تفتكر هتكلمك ولا هتقلبك وتعمل نفسها مش شايفاك ؟؟ ولو هتكلمك تفتكر هتكلمك ليه .. هل عشان وسامتك ولا عشان شعرك ولا عشان موبايلك ولا عشان بنطلونك الجينز ؟؟؟

من طرف QUEEN 5/7/2010, 11:10 am

ازيك يا احمد كلها ساعات وتقوم من علي الكرسي عايزاك ترد علي اسئلتي بسرعة يلا نبدأ
1
2
3
ايه أمنياتك فى الحياة؟
ما الحب الا للحبيب الأول..ايه رأيك فى المقوله دى؟
احلى اسم ولد واسم بنت ليك؟
شخص عزيز على قلبك ونفسك تكون معاه على طول؟
من هم الأشخاص اللى تركوا بصمة فى حياتك؟
ايه أكتر حاجة ممكن تخوفك؟
عايزين نعرف مواصفات فتاه أحلامك؟
احب يوم ليك نفسك يرجع تاااانى؟
آخر مرة بكيت فيها كان امتى؟ وليه؟
ايه مبدأ البقري في الحياة ؟
قولنا موقف محرج وموقف مضحك حصلك قبل كدا؟

الكلمات دى تعنى عندك ايه؟
الحيـاة
الأمل
السعادة
الدعاء
المسئولية
الماضى
الحاضر
المستقبل
جريمة تتمنى ارتكابها.؟
ايه اول شئ بيلفت انتباهك فى الشخص اللى قدامك ويعجبك؟
ماذا يعنى لك الغرووب؟
ماهى الكلمة التى تربكك من المرأة؟
ايه رايك في الاعضاء دول
الكونت
سندريلا
الجوهري
بنت بلد
حمودة
الحديدي
واخيرا العسولة كوين (ههههههههههه)
كفاية كده عليك هستني الاجابات

من طرف **AhMeD ElBakri** 5/7/2010, 4:03 pm

ahmed_elhadidy كتب:
السؤال التاني ؟؟
لو فكرت تكلم بنت حلوه أووووي .. وأخدت خطوه جريئه وروحت كلمتها .. تفتكر هتكلمك ولا هتقلبك وتعمل نفسها مش شايفاك ؟؟ ولو هتكلمك تفتكر هتكلمك ليه .. هل عشان وسامتك ولا عشان شعرك ولا عشان موبايلك ولا عشان بنطلونك الجينز ؟؟؟

ما أظنش لو أنا روحت أكلم بنت هتقلبني يا حبي ( ثقة بقي بعيد عنك ) ههههههههههههههه

ولو كلمتني أكيد عشان وسامتي وشعري وأناقتي واسلوبي ووووووووووو

ابعدوني عن كلمة أنا

أصل هعملكم فيها تامر حسني

هههههههههههههههههه

من طرف **AhMeD ElBakri** 5/7/2010, 4:52 pm

QUEEN كتب:

ازيك يا احمد كلها ساعات وتقوم من علي الكرسي عايزاك ترد علي اسئلتي بسرعة يلا نبدأ
1
2
3

انا الحمد لله بخير .. شكرا لسؤالك كوين

ايه أمنياتك فى الحياة؟

أخلص دراستي وألاقي وظيفة محترمة وأحفظ القرآن وااتقوز ( متكرر )

ما الحب الا للحبيب الأول..ايه رأيك فى المقوله دى؟

مقولة جميلة طبعا أكيد الحب الأول له تأثير ع حياتنا

احلى اسم ولد واسم بنت ليك؟

انا بحب أسماااااء كتيييييييير

ف الولاد أحلاهم ما حمد وعبد زي احمد - محمد - عبد الله . وبحب اسم البراء

ف البنات فاطمة الزهراء - هبه - أسماء - فيه كتييييييير

شخص عزيز على قلبك ونفسك تكون معاه على طول؟

مي لف

من هم الأشخاص اللى تركوا بصمة فى حياتك؟

أبي

اللهم ارحمه وأسكنه الفردوس الأعلي . آمين

ايه أكتر حاجة ممكن تخوفك؟

لما حد يكلمني عن الجناني والشياطين .. لأنهم أساسا موجدين معانا شايفنا واحنا مش شايفنهم

( للحماية منهم الحفاظ ع أذكار الصباح والمساء )

عايزين نعرف مواصفات فتاه أحلامك؟

جميلة - رقيقة - طيوبة - ذكية - ملتزمة - تحبني أكتر من أى حد - تفهمني من عينا من قبل ما أتكلم -

صادقة - أمينة - وفية ومخلصة .............................

احب يوم ليك نفسك يرجع تاااانى؟

متكرر

آخر مرة بكيت فيها كان امتى؟ وليه؟

متكرر

ايه مبدأ البقري في الحياة ؟

بعطي لكل شخص ف حياتي ع اد عطائه ليا

قولنا موقف محرج وموقف مضحك حصلك قبل كدا؟

الموقف المحرج :: انى اتطردت من المحاضرة الخميس اللى فات

الموقف المضحك :: انى معملتش حاجة

ههههههههههههههههههههههههههههههههههههههه

الكلمات دى تعنى عندك ايه؟
الحيـاة

أمر واقع

الأمل

انا معاه للأخر

السعادة

إحساس لا يوصف

الدعاء

التضرع إلي ربي

المسئولية

شىء لابد منه

الماضى

شىء ترك أثر ف حياتي

الحاضر

هو واقعي الآن

المستقبل

شىء ف علم الغيب

جريمة تتمنى ارتكابها.؟

لا يوجد

ايه اول شئ بيلفت انتباهك فى الشخص اللى قدامك ويعجبك؟

عنيه .. أناقته .. أسلوبه

ماذا يعنى لك الغرووب؟

من أجمل ما يعجبني ف اليوم كله

الساعة او النص ساعة قبل المغرب ..

الشمس فيها بتكون جميلة جدااااااااا

سبحان الخالق

ماهى الكلمة التى تربكك من المرأة؟

ــــــــــــــــــــــــــــــــــــ

ايه رايك في الاعضاء دول
الكونت

طيب

سندريلا

نشيطة جدا وفيها حس فكاهي

الجوهري

جدع

بنت بلد

مواضيعها دايما مميزة

حمودة

.....................دة صديق عمري

الحديدي

عمرو دياب الجديد أو بو تريكة

واخيرا العسولة كوين (ههههههههههه)

انتى قولتيها اهوة

عثووووولة

كفاية كده عليك هستني الاجابات

من طرف QUEEN 5/8/2010, 5:02 am

مرسيه يا احمد يلا فجر المفاجأة وقولنا هتقعد مين علي الكرسي

من طرف maryam 5/8/2010, 7:35 am

ههههههههههههههههههههههههههههه
والله يااحمد بحب التدبيس جدا وفرحانة فيك قصدي ليك
بس خايفة اسالك والله لارجع اتدبس نفس التدبيسة وانت عارفة اني غلبانة
هكتفي بس اني اقولك ربنا معاك وانا وفي اليوم التالت ليك اكيد هسالك سؤال نفسي اساله لكل الردالة.
ربنا معاك يااحمد ياحمادة. كرسى الاعتراف - صفحة 4 Lol

من طرف **AhMeD ElBakri** 5/8/2010, 2:16 pm

بس للأسف يا مريم

انا أياااااامي خلصت

تتعوض الجيم الجاى بقي هههههههههههههه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أنا كنت حالف إن الحديدي هيعد ع الكرسي بعدي

اناااااااااا اخترت الحديدي

يلا ورونا أسئلتكم بقي

من طرف **Hamuda** 5/8/2010, 4:28 pm

حديدي كالعاده لازم تعرفنا بنفسك فى الاول

يلاااااااا

من طرف princeoflover 5/9/2010, 3:22 am

حديدى حبيب مى هارت

منور الكرسى يا حبى

راجعلك تانى باحلى اساله

هو السؤال كان للرداله كلها يا مريم ولا لاحمد بس ؟؟؟؟؟؟؟

من طرف Cindrella 5/9/2010, 4:14 am

والله دى فرصة كويسة اننى نتعرف اكتر على احمد الحديدى

نورت الكرسى ياحمد واكيد رجعالك تانى ههههههه

من طرف maryam 5/9/2010, 6:18 pm

بصراحة السؤال للرداله كلهم يابرنس
بس هصطادك فية لو قعدت ع الكرسي
ابقي اعطيني رينج بقي لما تقعد
ربنا يكون في العون يااحمد ياحديدي ربنا مايوريهالي
هههههههههههههههههههههههههههههههههههههه
كرسى الاعتراف - صفحة 4 701631

من طرف **Hamuda** 5/10/2010, 4:02 am

فينك يا حديدي

من طرف **AhMeD ElBakri** 5/10/2010, 8:13 am

الحديدي شكله أخد التلت أيام أجازة

كرسى الاعتراف - صفحة 4 Lol

من طرف ahmed_elhadidy 5/10/2010, 8:25 am

Hamuda كتب:
حديدي كالعاده لازم تعرفنا بنفسك فى الاول

يلاااااااا

أنا أحمد الحديدي
9-9-1989
تالته هندسه قسم اتصالات
وطبعا هواياتي كره القدم وسماع الاغاني الرومانسيه والانترنت وعمل صداقات كتيير مع الناس
كفايه كده في الاول عليكو

من طرف ahmed_elhadidy 5/10/2010, 8:32 am

AhMeD ElBakri كتب:

الحديدي شكله أخد التلت أيام أجازة

لأ موجود يا مان بس كان عندي إمتحان أعمال سنه وعندي كمان امتحان بكره رنا يسترها وميطلعش زي اللي قبله